30 Март
Одам савдосига қарши курашиш бўйича халқаро ҳамкорлик учрашуви
Меҳмонларни Одам савдосига қарши курашиш бўйича Республика идоралараро комиссияси раиси, Ўзбекистон Республикаси Ички ишлар вазирининг биринчи ўринбосари, генерал-майор Даврон Назармухамедов қабул қилди.
Учрашувда Д.Назармухамедов делегация аъзоларига мамлакатимиз ички ишлар органлари тизимида олиб борилаётган ислоҳотлар ҳақида сўзлаб берди. У ўз сўзида мазкур ислоҳот ва ўзгаришлар республикамиз ички ишлар органлари фаолиятида «Халқ манфаатларига хизмат қилиш» тамойили устуворлигини таъминлашга қаратилганлигини қайд этди.
Шунингдек, меҳмонларга республикадаги жиноятчилик ҳолати юзасидан маълумот берилди. Хусусан, Одам савдосига қарши курашиш бўйича Республика идоралараро комиссияси томонидан олиб борилаётган ишлар натижасида, 2017 йилда одам савдоси билан боғлиқ мажбурий меҳнатдан фойдаланиш жинояти 39,5 фоизга, жинсий эксплуатация жинояти 81,6 фоизга камайганлиги таъкидланди. Шу ўринда, одам савдоси жиноятини олдини олиш мақсадида, аҳоли ўртасида қатор профилактик тарғибот тадбирлари ўтказиб борилаётгани айтилди.
Учрашув сўнгида Европада хавфсизлик ва ҳамкорлик ташкилоти ҳамда Одам савдосига қарши курашиш бўйича Республика идоралараро комиссияси билан келгусида ҳам ўзаро ҳамкорликни давом эттиришга келишилди. Учрашув дўстона ва ишчан кайфиятда ўтди.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси